有冇人會check另一半電話,又有冇人會接受另一半check自己電話?
有人會覺得行得正企得正怕咩人check,亦唔介意對方睇佢電話。亦有人會覺得任何人都應用有自己嘅隱私
如果得唔到另一半同意偷睇電話的確係唔岩,但好多人一但被對方發現偷食,好多人第一句都會係話「你做咩睇我電話?」
我覺得最好嘅關係,就係大家唔會刻意去睇,但就算要睇對方都冇乜嘢,亦唔會偷偷地背住佢睇
![](https://breadnlove.com/wp-content/uploads/2024/07/未命名設計-31-1024x576.png)
曾經有一位朋友,半夜見到男朋友電話有信息,一睇就發現原來係同另一個女仔曖昧嘅信息,一check之下仲發現有玩交友app。
佢同男朋友係番緊同一間公司,而因為呢行唔係好方便公開戀情,所以公司從來冇同事知道佢地係情侶關係。
而平時lunch佢男朋友就會同一位女同事經常出雙入對,冇錯就係之後佢發現半夜sens信息比佢男朋友果個女仔,最後佢地糾纏咗2年幾,因為個男仔覺得個第三者太煩所以就斷咗呢段關係,而佢地冇幾耐仲結埋婚。
後來我問我朋友,你老公仲有冇做對唔住你嘅事?佢就表示應該冇,因為佢冇再睇過佢老公電話。
唔睇佢老公電話係因為結婚後信任?我諗就唔係,而係佢知道,如果再睇佢電話佢地一定冇可能再行落去
![](https://breadnlove.com/wp-content/uploads/2024/07/未命名設計-32-1024x576.png)
搵唔到任何另一半偷食證據,你會覺得佢真係安份守己,定覺得佢已經將所有證據刪除晒?
如果你真係搵到佢偷食證據,又係咪真係捨得同佢分手?
放過另一半,同時等於放過自己,你睇到已經發生咗,而睇唔到嘅,係咪又等於冇發生過?
偷睇得第一次,就會偷睇第二次,之後只會繼續懷疑佢。
![](https://breadnlove.com/wp-content/uploads/2024/07/未命名設計-33-1024x576.png)
其實冇一個人係中意無時無刻咁比人監視住,兩個人係埋一齊都係靠大家有冇邊界感,會唔會自覺,所以互相尊重先係最重要。
曾經聽過一句說話「當你信任一個人,就只會有這兩種結果,要麽是生命中的那個人,要麽是生命中的一堂課。」
建議大家唔好得閒無事就check另一半電話,沒必要為了滿足自己嘅窺私癖而去破壞一段美好感情。兩個人既然都行埋咗一齊,就應該給予對方最大信任。唔但只係比對方嘅尊重,更加係對一段感情嘅尊重。
![](https://breadnlove.com/wp-content/uploads/2024/07/未命名設計-34-1024x576.png)
聰明的女人唔會淨係掛住check男人電話,如果唔想對方偷食,令男人時時刻刻充滿危機感係好重要!有擔心男人嘅時間,不如去增值自己去美容、瘦身、學習,令自己從內靚到外,唔係淨係做一個花瓶
我就會選擇去做facial同做gym。有咩美容療程係我最中意做?一定係保濕療程,我會揀Bellasonic,因為只有做好咗肌膚保濕,做其他treatment先會有效
Gym方面cardio當然唔少得,另外女仔最緊要就係操背同臂,上網都有好多動作可以參考,大家記得加油